Totsiens aan Gister op Facebook
Ons skrywer Edna Cane het ‘n Facebook-groep vir haar boek “Totsiens aan Gister” gestig. Besoek dit gerus om meer oor die boek te leer en teken asseblief in op die groep vir verdere nuus oor die boek.
Edna Cane kan ook op haar Facebook-blad gekontak word.
Persverklaring: Boekvrystelling van “Roepstem van die Horison”
VIR ONMIDDELLIKE PUBLIKASIE
Boekvrystelling: Roepstem van die Horison
Johannesburg, Gauteng – 14 Maart 2011 – CruGuru Uitgewers
CruGuru Uitgewers wil graag die vrystelling van ‘n nuwe Afrikaanse boek in hulle stal aankondig: Roepstem van die Horison deur Johann Bacher.
Roepstem van die Horison is ‘n versameling ware jag- en natuurverhale uit die ondervindinge van Johann Bacher, en sal byval vind by jagters, natuurliefhebbers, lesers van outobiografieë, Namibiërs, oud-Suidwesters, en enige leser wat van ‘n boeiende ware Afrikaanse verhaal hou.
Johann Bacher het die volgende in sy voorwoord: geskryf: “Hierdie boek bevat ware gebeurtenisse in die jagveld en elders – soos wat deur my gesien en beleef was.”
Gepos in Nuus, Persverklarings | 
Etikette: jag, jagverhale, Johann Bacher, natuur, natuurverhale, persverklaring, roepstem van die horison
Lokvideo vir “Roepstem van die Horison”
‘n Lokvideo vir “Roepstem van die Horison” deur Johann Bacher is voltooi en is nou beskikbaar op die boek se webblad: http://www.cruguru.net/roepstem-van-die-horison.
Hierdie lokvideo is ook op YouTube beskikbaar by http://www.youtube.com/watch?v=FufBnpYx5XI. Julle is baie welkom om daar te gaan kyk en kommentaar te lewer.
Lokvideo vir “Totsiens aan Gister”
‘n Lokvideo vir “Totsiens aan Gister” deur Edna Cane is gemaak en is beskikbaar op die boek se webblad: http://www.cruguru.net/totsiens-aan-gister.
Hierdie lokvideo is ook op YouTube beskikbaar by http://www.youtube.com/watch?v=ni84vfj5g2I. Julle is welkom om ook daar te gaan kyk en kommentaar te lewer.
Totsiens aan Gister
Deur Edna Cane
Die tequila queen, die Pretoria-prinses, the one and only, soos die liedjie sê. Dít is hoe Zani Calitz haarself graag beskryf. Sy voer ‘n sorgelose bestaan in Pretoria as kelnerin wie slegs vir fooitjies werk. Haar borrelende persoonlikheid en liefde vir gesels sorg egter dat sy nie juis oor geld hoef bekommerd te wees nie.
Zani is verlief op Carlos, maar hy soek net vriendskap, want hy en die groot liefde van sy lewe, Yvonne, het reeds ‘n standvastige verhouding. Zani probeer hard om van Carlos te vergeet deur drankmisbruik, dwelms, kuier, partytjies en harde werk, baie keer met ‘n babelaas op die koop toe.
Gepos in Christelike Fiksie, Edna Cane, Liefdesverhale, Nuwe Publikasies |
Etikette: Christelike Fiksie, Edna Cane, liefdesverhaal, romanse, totsiens aan gister
Roepstem van die Horison
Deur Johann Bacher
‘n Versameling ware jag- en natuurverhale uit die ondervindinge van Johann Bacher
Roepstem van die Horison is ‘n versameling ware jag- en natuurverhale uit die ondervindinge van Johann Bacher (1937 – 2007). Johann Bacher was ‘n polisieman van beroep wat altyd na aan die natuur geleef het, maar voorts ‘n besondere mens in die sin dat hy ‘n uitstekende sportman was met Springbokkleure in amateurstoei en provinsiale kleure in stoei, boks, atletiek en swem, ‘n gesinsman, natuurkenner, jagter van formaat, maar ook skrywer en digter.
Gepos in Jagverhale (Nie-Fiksie), Johann Bacher, Nuwe Publikasies |
Etikette: jag, jagverhale, Johann Bacher, natuur, natuurverhale, roepstem van die horison
Somer
Deur C. M. Van Den Heever
Eerste liefde, jaloesie, hebsug en die mens se stryd teen die elemente om sy voortbestaan, word in hierdie novelle van C.M. van den Heever tot ‘n spannende klimaks gedryf.
Dit is hoogsomer en tyd om die koring te oes op Oom Tom se plaas voor die hael dit afslaan. Die plaas het eers aan sy voorsate behoort, maar nou besit hy ‘n deel, sy broer Frans ‘n deel en ‘n buitestaander, Faan, ‘n ander deel. Faan het die stuk grond gekoop van Tom se ander broer wat uitgeboer het. Faan se seun, Hannes, het ‘n ogie op Tom se pragtige sewentienjariger dogter, Linda.
Pieter Plaasmuis en Stefan Stadsmuis
Deur Beatrix Potter
Pieter Plaasmuis beland per ongeluk in ‘n deftige huis in die stad waar hy gou vriende maak met Stefan Stadsmuis.
Daar is elegante en formele etes, allerhande smullekker kosse om van te droom, gerieflike slaapplek… maar daar is ook ‘n kat wat muise jaag, ‘n kok wat nie van muise hou nie, ‘n vreeslike gerumoer die hele dag lank…
Gepos in Beatrix Potter, Kleuterverhale, Nuwe Publikasies |
Etikette: Beatrix Potter, kat, muis, Pieter Plaasmuis en Stefan Stadsmuis
Loeloeraai
Deur C. J. Langenhoven
Loeloeraai, wat oorspronklik in 1923 uitgegee is, is heel moontlik die eerste Afrikaanse verhaal in die wetenskapsfiksie-genre.
Die meeste van die kleurvolle karakters in die boek is ou bekendes uit Langenhoven se ander verhale, soos Kerneels, Vroutjie, Engela, oom Stoffel, Watwo en Herrie, Kerneels se mak olifant. Dan is daar Loeloeraai, ‘n onverwagse besoeker van Venus wat een aand met sy ruimtetuig op Kerneels se werf land. Eers is Kerneels-hulle baie agterdogtig oor die wyse vreemdeling vanuit die buitenste ruim, maar gaandeweg leer hulle dat hy in vrede gekom het. Die gereg wil hom egter in die tronk stop omdat hy die land onwettig binnegekom het…
Gebed vir Nog ‘n Nuwe Dag
Deur J. H. Jowett
‘n Gebed vir Elke Dag van die Jaar
Gebed vir Nog ‘n Nuwe Dag bevat ‘n kort gebed vir elke dag van die jaar om jou gebedslewe te lei en te vervul. Hierdie gebede dring reguit deur na jou hart se diepste kamers en open jou oë vir die allesomvattende liefde van Jesus Christus deur jou te leer om te luister en stil te wees in die Here.
Gepos in Christelik, J. H. Jowett, Nuwe Publikasies |
Etikette: Christelik, christelike boek, daaglikse gebed, gebed, Gebed vir Nog 'n Nuwe Dag, gebedeboek, gebedsboek, gebedslewe, J. H. Jowett